Maharashtra Total Reservation Percentage : महाराष्ट्रात कोणत्या जातींना किती टक्के आरक्षण आहे! मराठा आरक्षणासंदर्भात सर्व माहिती वाचा

Maharashtra Total Reservation Percentage : गेल्या काही महिन्यांपासून मराठा आरक्षणाचा मुद्दा राज्यभर चर्चेत आहे. मात्र, आता मराठा आरक्षणाच्या मुद्द्याने आणखी हिंसक वळण घेतले आहे. छत्रपती संभाजी राजे, छत्रपती उदयनराजे यांच्यानंतर मनोज जरांगे पाटील यांनी आरक्षण प्रश्न चांगलाच उचलून धरला आहे. संपूर्ण महाराष्ट्रातील सकल मराठा समाजाने मनोज जरांगे पाटील यांना पाठिंबा दिला.

यासाठी राज्य सरकारला चांगलाच घाम फुटला आणि मराठा समाजाने राज्यातील अनेक नेत्यांच्या घरांची आणि कार्यालयांची तोडफोड केली. त्याचप्रमाणे आता महाराष्ट्रातील धाराशिव जिल्ह्यात संचारबंदी लागू करण्यात आली आहे. याशिवाय भाजप आमदार प्रशांत बंब यांच्या कार्यालयाची तोडफोड करणाऱ्यांवरही गुन्हा दाखल करण्यात आला आहे. ओबीसी प्रवर्गातील आरक्षणाविरोधात मराठा समाजाच्या आंदोलनाला सोमवारी हिंसक वळण लागल्यानंतर मराठा आंदोलकांनी बीड आणि छत्रपती संभाजी नगर जिल्ह्यातील आमदारांची घरे आणि कार्यालये जाळली. त्यामुळे आज मंत्रिमंडळाच्या बैठकीला वेग आला आहे.

मराठा समाजाच्या मागण्या काय आहेत?

राज्यभरातील मराठा समाज आरक्षणासाठी संघर्ष करत आहे. आरक्षणाच्या प्रश्नामुळे काही विद्यार्थ्यांनी आत्महत्येचे पाऊल उचलले आहे. त्यामुळे अनेक विद्यार्थी आरक्षणासाठी लढा देत आहेत. पण तुम्हाला माहीत आहे का सकल मराठा समाजाच्या विशिष्ट गरजा काय आहेत? मराठा समाजाच्या विद्यार्थ्यांना शिक्षण आणि नोकऱ्यांमध्ये १६ टक्के आरक्षण मिळावे. याशिवाय ओबीसी समाजाच्या राखीव कोट्यात मराठा समाजाचा समावेश करावा, ही मराठा समाजाची सर्वात मोठी मागणी आहे.

महाराष्ट्रात कोणत्या जातींना किती आरक्षण आहे? (What percentage reservation is given to which castes in Maharashtra?)

मराठा समाजातील आरक्षणाच्या मुद्द्यावरून राज्यभरात दंगली आणि जाळपोळीच्या घटना घडत आहेत. अनुसूचित जाती, इतर मागासवर्ग आणि विशेष मागास प्रवर्गासाठी आरक्षण आहे. मात्र मराठा समाजाला आरक्षण नसल्याने कुणबी जातीचा दाखला मिळावा यासाठी आंदोलक मनोज जरंगे हे मराठा समाजाचे आंदोलन करत आहेत.

Maharashtra Total Reservation Percentage पण महाराष्ट्रात कोणत्या जातीसाठी आरक्षण किती टक्के आहे हे तुम्हाला माहीत आहे का? चला तर मग जाणून घेऊया सविस्तर.

जाती	आरक्षण टक्केवारी
SC (अनुसूचित जाती)	13%
ST (अनुसूचित जाती किंवा जमाती)	07%
OBC	19%
विमुक्त + भटक्या जाती (वर्ग 4)	11%
SBC A	02%
एकूण आरक्षण	52%

महाराष्ट्रात एकूण 52% आरक्षण आहे, तर आरक्षण यादीत 10% EWS साठी राखीव आहे. अशाप्रकारे, महाराष्ट्रात नोकरी आणि शिक्षणात एकूण ६२% आरक्षण आहे. त्यामुळे राज्य सरकार मराठा समाजाला कोणत्या प्रमाणात आरक्षण देणार याकडे मराठा समाजासह तमाम नागरिकांचे लक्ष लागले आहे.

जाणून घेऊया कोणत्या राज्यात किती टक्के आरक्षण आहे?

अ.क्र.	राज्य	आरक्षण टक्केवारी
1	हरियाणा आणि बिहार	आरक्षण एकत्रितपणे 60%
2	तेलंगणा	एकूण ५०% आरक्षण
3	गुजरात	एकूण आरक्षण ५९%
4	तामिळनाडू	एकूण आरक्षण ६९%
5	छत्तीसगड	एकूण आरक्षण ८२%
6	मध्य प्रदेश	एकूण आरक्षण ७३%
7	झारखंड	एकूण आरक्षण ५०%
8	राजस्थान	एकूण आरक्षण ६४%
9	केरळ	एकूण आरक्षण ६०%

कोण आहेत मनोज जरांगे पाटील ? Who is Manoj Jarange Patil?

• आता अनेक नागरिकांना प्रश्न पडला असेल, कोण आहे मनोज जरांगे पाटील? मनोज जरांगे पाटील हे जालना जिल्ह्यातील अंबड तालुक्यातील अंतरवली सराटी गावचे रहिवासी आहे. परंतु त्यांचे मूळ गाव बीड जिल्यातील गेवराई तालुक्यात मातोरी हे गाव आहे. त्यांचा जन्म हा बीड मधेच झाला, नंतर ते अंतरवाली सराटी येथे काही कारणास्तव स्थायिक झाले. गेल्या 10 ते 15 वर्षांपासून ते मराठा समाजाला आरक्षण मिळावे यासाठी प्रयत्न करत आहेत. यापूर्वी त्यांनी काँग्रेस पक्षात काम केले आहे. मात्र काही कारणास्तव त्यांनी काँग्रेस पक्ष सोडून शिवबा संघटना स्थापन केली.
• मनोज जरांगे पाटील हे 2011 पासून मराठा आरक्षण आंदोलनात सहभागी आहेत. 2014 मध्ये औरंगाबाद विभागीय समितीने भव्य मिरवणूक काढली. त्यावेळी मनोज जरांगे यांनी राज्य सरकारला आधीच घाम फोडला होता. त्यांनी आतापर्यंत 35 हून अधिक मोर्चे आणि आंदोलन काढल्या आहेत आणि आता ते मराठा आरक्षणाच्या मुद्द्यावरून पुन्हा चर्चेत आले आहेत.
• मराठा समाजाने आरक्षणाचा मुद्दा उपस्थित केल्यावर राजकीय नेत्यांनाही घाम फुटला. मराठा समाजाला आरक्षण देण्यात यावे म्हणून त्यांनी मंगळवार, 31 नोव्हेंबर 2023 महाराष्ट्र बंद केला आहे. या संदर्भात अनेक प्रदेशांतील राजकीय नेत्यांवर बंदी घालण्यात आली.
• बीड आणि छत्रपती संभाजी नगर जिल्ह्यात आरक्षणाच्या मागणीसाठी झालेल्या हिंसक आंदोलनांमुळे मंत्री आणि त्यांच्या मालमत्तेची सुरक्षा देखील वाढवण्यात आली आहे. याशिवाय मुख्यमंत्री एकनाथ शिंदे, उपमुख्यमंत्री देवेंद्र फडणवीस, उपमुख्यमंत्री अजित पवार यांच्या सुरक्षेतही वाढ करण्यात आली आहे.

आर्थिक परिस्थिती हलाखीची

मनोज जरांगे पाटील हे मराठा समाजासाठी लढणारे कार्यकर्ते म्हणून मराठवाड्यात ओळखले जातात. मनोज जरांगे पाटील हे पूर्णवेळ मराठा समाजाचे कार्यकर्ते म्हणूनही ओळखले जातात. मनोजवर पत्नी, चार मुले, तीन भाऊ आणि आई-वडील असा परिवार आहे.

सुरुवातीला काँग्रेस पक्षात काम केले आणि नंतर शिवबा संघटनेची स्थापना केली

मनोज जरांगे पाटील यांनी सुरुवातीला काँग्रेस पक्षात काम केले. मात्र नंतर त्यांनी काँग्रेसपासून फारकत घेत शिवबा संघटनेची स्थापना केली. संस्थेचे काम त्यांनी अतिशय जोमाने सुरू केले. नगर जिल्ह्यातील कोपर्डी अत्याचारादरम्यान शिवबा गटाच्या कार्यकर्त्यांवर मारहाण केल्याप्रकरणी गुन्हा दाखल करण्यात आला आहे.

मनोजची कायमस्वरूपी आंदोलने

2021 मध्ये जालन्यातील साष्टा पिंपळगाव येथे तीन महिने आंदोलन केले. सहा दिवस उपवासही केला. गोरीगंदरीत निदर्शने करून त्यांनी मराठा आरक्षण लढ्यात मरण गेलेल्यांच्या कुटुंबीयांना मदत मिळून दिली.

मनोज जरांगे हे 2011 पासून मराठा आरक्षण आंदोलनात सक्रिय आहेत. 2014 मध्ये त्यांच्या नेतृत्वाखाली औरंगाबाद विभागीय पंचायत पदयात्रेने देशाचे लक्ष वेधले होते. त्यांनी आतापर्यंत 35 हून अधिक मोर्चे आणि आंदोलने काढले आहेत.