Panjabrao Dakh Hawaman Andaj live: हवामान अभ्यासक पंजाबराव डख यांनी आगामी आठवड्यासाठी महाराष्ट्राच्या हवामानाचा सविस्तर अंदाज जाहीर केला आहे. २ जुलै ते ८ जुलैदरम्यान राज्यात पावसाची स्थिती कशी असेल, कोणत्या जिल्ह्यांमध्ये जास्त तर कुठे कमी पाऊस पडेल, याबद्दल त्यांनी महत्त्वपूर्ण माहिती दिली आहे. शेतकऱ्यांसाठी ही बातमी दिलासा देणारी आहे, कारण अनेक भागांमध्ये पावसाची प्रतीक्षा संपणार आहे.
२ ते ४ जुलै: विदर्भ आणि मराठवाड्यात जोरदार पाऊस
पंजाब डख यांच्या अंदाजानुसार, २ ते ४ जुलै दरम्यान विदर्भ आणि मराठवाडा या दोन्ही विभागांमध्ये जोरदार पावसाची शक्यता आहे. कोकण किनारपट्टीवरही पाऊस सुरूच राहील. मध्य महाराष्ट्रातील शेतकरी अजूनही पावसाची वाट पाहत असले तरी, येत्या दोन-तीन दिवसांत येथेही पिकांना ‘जीवनदान’ देणारा पाऊस पडेल, असे पंजाब डख यांनी सांगितले आहे.
५ ते ८ जुलै: राज्यात पुन्हा पावसाचे वातावरण
५, ६, ७ आणि ८ जुलै दरम्यान राज्यात पुन्हा एकदा पावसाचे अनुकूल वातावरण तयार होईल. या काळात भाग बदलत पाऊस पडेल, असे डख यांनी नमूद केले आहे.
कोणत्या जिल्ह्यांमध्ये पडणार पाऊस?
पुढील ४ दिवसांत पाऊस पडणाऱ्या जिल्ह्यांची यादी पंजाब डख यांनी दिली आहे:
- विदर्भ: नागपूर, वर्धा, अमरावती, अकोला, वाशीम, यवतमाळ, बुलढाणा, चंद्रपूर, गडचिरोली, भंडारा, गोंदिया.
- मराठवाडा: परभणी, हिंगोली, नांदेड, जालना, छत्रपती संभाजीनगर (औरंगाबाद).
याव्यतिरिक्त, मध्य महाराष्ट्र आणि उत्तर महाराष्ट्रातही ३-४ दिवसांत पाऊस पडून पिकांना मोठा आधार मिळेल, असे डख यांनी सांगितले.
विदर्भात सर्वाधिक पावसाचा अंदाज
पंजाब डख यांच्या विश्लेषणानुसार, या पावसाचा सर्वाधिक जोर विदर्भामध्ये जाणवेल. मराठवाड्यातही चांगल्या पावसाची शक्यता आहे. मध्य महाराष्ट्रातील अहमदनगर, सोलापूर तसेच पावसाच्या प्रतीक्षेत असलेल्या इतर जिल्ह्यांमध्येही येत्या दोन-तीन दिवसांत पिकांसाठी अतिशय महत्त्वाचा पाऊस होईल, अशी माहिती त्यांनी दिली आहे.
सोयाबीन उत्पादकांसाठी पंजाब डख यांचा खास सल्ला
हवामान अंदाजासोबतच, पंजाब डख यांनी सोयाबीन उत्पादक शेतकऱ्यांसाठी एक महत्त्वाचा सल्ला दिला आहे:
- शक्य असल्यास, सोयाबीनमध्ये तननाशक किंवा कोळपणी करण्याऐवजी खुरपणी करावी.
- खुरपणी केल्याने सोयाबीनला चांगला उतार मिळतो, असेही त्यांनी सांगितले.
तुमच्या भागात पाऊस सुरू झाला आहे का? खाली कमेंट करून नक्की कळवा!
